Reshjet, problematika në gjithë vendin – Peleshi thirrje Bashkive: Vëmendje të shtuar në Shkodër e Lezhë, të jeni gjithë kohës në terren
Ndërsa moti i keq pritet të shkaktojë problematika në gjithë vendin, Ministri i Mbrojtjes Niko Peleshi u ka bërë thirrje kryetarëve të bashkive që të marrin masa ndaj rrezikut të përmbytjeve.
Në një dalje për mediat, Peleshi kërkoi vëmendje të shtuar në Bashkitë e Shkodrës dhe Lezhës, si dy ndër zonat më problematike me përmbytjet, ku strukturat vendore duhet të jetë gjatë gjithë kohës në terren, të pastrojnë kanalet kulluese e të kryejnë veprimet e tjera me karakter parandalues.
Instituti i Gjeoshkencave ka paralajmëruar të martën se i gjithë vendi do të përfshihet nga reshje të dendura shiu e dëbore, si dhe për përmbytje të lokalizuara kryesisht në qarqet Shkodër, Kukës, Dibër dhe Lezhë.
Lorenc Rabeta / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.