Roger Federer, tenisti më i pasur në histori – Pasuria e tij prej 450 milionë dollarë mes vilave dhe sponsorëve

Në moshën 41 vjecare, Roger Federer mbetet tenisti më i paguar në botë, me një pasuri prej 450 milion dollarësh. Kampioni që ka deklaruar tërheqjen e tij nga sporti ka fituar vitin e fundit rreth 90 milion dollarë, pothuajse gjithcka nga reklamat. Fitoret e Federer vlejnë 130.6 milion dollarë. Një shifër që e vendos në vendin e tretë në historinë e tenistit pas rivalëve të tij më të mëdhenj: Novak Djokovic 159 milion dollarë dhe Rafael Nadal 131.6 dollarë.

Por për sa i përket fitimeve nga reklamat, ai nuk ka asnjë rival. Kontrata më e pasur është ajo prej 300 milion dollarësh e firmosur në vitin 2018 me Uniqlo, një firmë japoneze veshjesh. Por përvec saj janë një seri firmash që përfaqësohen nga Federer, si Rolex, Mercedes-Benz, Gillette, Credit Suisse, Lindt etj.

Për sa i përket vilave në pronësi, në Zvicër ai kishte një vilë 500 metra katrorë të ndërtuar në tre kate me pishinë, palestër, SPA dhe parking nëntokësor, të cilën e shiti në vitin 2018. Në vitin 2021 ai mori leje për të ndërtuar një tjetër mega-vilë përballë liqenit. Një tjetër nga pronat e tij ndodhet në Valbella po në Zvicër.

Vila e menduar fillimisht si një shtëpi pushimi, përfshin disa ndërtesa, plus një fushë tenisi dhe pishinë të brendshme. Një vilë tjetër e tij ndodhet në Dubait, ku Federer dhe familja e tij kalojnë pjesën më të madhe të dimrit.

Është një ndërtesë e madhe brenda kompleksit luksoz La Reve, me një tarracë prej 80 metrash katrorë nga e cila mund të shijohen një pamje të mrekullueshme jo vetëm të oqeanit, por edhe të dy prej atraksioneve kryesore të Dubait, domethënë qiellgërvishtësi Burj Al Arab dhe ishulli artificial i Palm Jume.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.