Rreth 85% e baterive do të prodhohen në BE – Brukseli vendos objektivin brenda vitit 2030 edhe për 40% të paneleve diellore

Në vitin 2030 pjesa më e madhe e paneleve diellore dhe baterive duhet të prodhohet në Bashkimin Europian. Janë këto objektivat e Brukselit si pjesë e planit industrial të BE-së, Net – Zero, që do të bëhet publik në 14 mars.

Në fakt brenda vitit 2030 kapaciteti industrial i Bashkimit Europian duhet të jetë në gjendje të përmbushë të pakëtn 40% të kërkesës vjetore europiane për panele diellore, 85% për teknologjinë eolike, 60% për pompat e nxehtësisë, 85% për bateritë dhe 50% për elektrolizatorët.

Në këtë plan janë fiksuar objektivat e prodhimit për teknologjitë e gjelbra që konsiderohen thelbësore për dekarbonizimin e ekonomisë kontinentale dhe largimin në këtë mënyrë të Bashkimit Europian nga varësia e vendeve të treta si Kina.

Net-Zero nënkupton një stil jetese që parashikon reduktimin e sasisë së gazit serë dhe zëvendësimin e prodhimit.

Plani vlen për 9 kategori teknologjish: fotovoltaike, erë, bateri, pompa nxehtësie, hidrogjen të rinovueshëm, biometan, teknologji bërthamore, teknologji Ccus, energji elektrike. Ai gjithashtu parashikon krijimin, në çdo vend, të “luginave të industrisë Net-Zero” dhe leje administrative më të shpejta për teknologjitë e listuara.

Akti Net-Zero është i strukturuar në 36 nene dhe gjashtë kapituj përkatësisht mbi “përkufizimet dhe objektivat”, “investimet” dhe “qasjen në treg”, “qasjen në një fuqi punëtore të trajnuar”, “monitorimin” dhe “qeverisjen”.

Në kapitullin e parë, teksti përcakton, edhe nga pikëpamja leksikore, disa nga pikat kryesore të paketës. “Teknologjitë me emetim zero” do të thotë teknologjitë e sistemit energjetik që sigurojnë emetime të ulëta, zero ose negative të gazeve serrë gjatë veprimtarisë dhe produkteve të teknologjisë përfundimtare, komponentëve, makinerive ose montimeve të instaluara në Bashkimin Europian.

Plani krijon një task force ad hoc, “platforma Net Zero”, për qeverisjen e projekteve dhe fondeve. Komisioni dhe vendet anëtare do të lehtësojnë aksesin në financa për projektet e elasticitetit me emetim zero. Nëpërmjet platformës Net Zero, identifikohen nevojat financiare dhe pengesat dhe praktikat më të mira të mundshme.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.