Rreziku për pastrim parash, Shqipëria me “pullë portokalli” – Publikohet indeksi i Bazelit, shumë i lartë risku politik, ligjor dhe i transparencës

Indeksi i Bazelit, që mat rrezikun për pastrimin e parave, e ka pozicionuar përsëri Shqipërinë në vendet me risk të lartë. Indeksi vlerëson me 0 vendet ku ky rrezik është minimal dhe 10 ato ku rreziku është makimal.

Shqipëria vlerësohet me indeksin 4.92, duke u pozicionuar në vendet me risk të konsiderueshëm. Indeks të përafët me Shqipërinë kanë vende si republika Domenikane, Mauritania, Aruba, Antigua dhe Barbuda, Hungaria, Granada apo Samoa. Sa i përket vendeve të rajonit, me risk të lartë vlerësohet edhe Serbia me indeks 4.87%.

Vendi me risk më të ulët në rajon është Sllovenia, e cila gjendet në zonën jeshile të listës, e cila kryhesohet nga Finlanda, Andorra, Suedia, apo Zelanda e re. Ne pjesën e kuqe të listës gjenden shtete si Republika e Kongos, Haiti, Mjanmari, Mozambiku e Madagaskari.

Indeksi bazohet mbi tregues si transparenca financiare, ku Shqipëria ka edhe performancën më negative me tregues 6.14, korrupsioni dhe ryshfeti me tregues 5.95, risku politik dhe ligjor 5.5,  ndërkohë që kuadri ligjor për pastrrimin e parave dhe transparenca paraqiten më mirë me indekse përkatësisht 3.6 dhe 4.4.

Por cilët janë elementët që merren në vlerësim për të nxjerrë pikëzimin final?

Së pari është kuadri ligjor për parandalimin e pastrimit të parave ku Shqipëria vlerësohet me 4.6, më pas vijnë korrupsioni dhe ryshfeti ku Shqipëria shënon 5.95 duke qenë një nga treguesit më negativë në vlerësimin por kryesimin në fakt e mban transparenca financiare me një vlerësim 6.14. Më mirë paraqitet transparenca publike me një vlerësim 3.4 ndërkohë që në nivele jo fort pozitive shfaqet edhe risku politik dhe ligjor me 5.54.

Lorenc Rabeta / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.