Rriten sigurimet e pronave nga tërmetet, por pak sensibilitet – Përmirësohen treguesit e portofolit për zjarret e fatkeqësitë natyrore

Viti 2023 ka nisur me një rritje të dukshme të sigurimeve të pronave nga zjerret, tërmetet apo fatkeqësitë natyrore. Sipas të dhënave të sapopublikuara nga Autoriteti i Mbikqyrjes Financiare, këtë janar janë rritur si numri i subjekteve që kanë siguruar pronat, ashtu edhe volumi i paraveë që është paguar për këtë qëllim.

Në portofolin sigurimi nga Zjarri dhe Forcat e Natyrës, gjatë muajit janar 2023, vihet re një rritje prej 23.84% e vëllimit të primeve të shkruara bruto të këtij portofoli dhe një rritje me 13.95% e numrit të kontratave të sigurimit, krahasuar me periudhën janar 2022. Nga diccka më pak se 1 milionë dollarë në janarin e vitit të shkuar, muajin e parë të këtij viti janë paguar mbi 1.2 milionë dollarë për këtë qëllim.

Rritja është e dukshme duke ju referuar shifreve modeste me të cilat u mbyll viti 2022 sa i përket këtij portofoli. Përgjatë gjithë vitit të shkuar u paguan në total nga shqiptarët rreth 18 milionë dollarë për sigurimin e pronave nga zjarri e fatkeqësitë, rreth 1 milionë dollarë më shumë se në vitin 2021. Rritja sipas ekspertëve është modeste duke parë fatkeqësitë e shumta natyrore me të cilat janë përballur së fundmi shqiptarë, duke nisur nga tërmetet, te zjarret, e deri te përmbytjet të cial u rikthyen vitin e shkuar.

Sa i përket tregut të sigurimeve në total, të ardhurat nga primet e shkruara bruto të sigurimit për periudhën janar 2023 kapën vlerën 1,712 milionë lekë, ose 20.6% më shumë se në janar 2022. Gjatë muajit janar 2023, numri i kontratave të sigurimit të lidhura arriti në 96,527  me një rritje prej 15.19% krahasuar me të njëjtën periudhë të një viti më parë.

Lorenc Rabeta/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.