Rritet çmimi i pronave në Greqi – Rimëkëmbja e çmimeve u konfirmua në tremujorin e tretë

Një rimëkëmbje në tregun e pasurive të paluajtshme në Greqi rriti çmimet e pronave në vend gjatë tremujorit të tretë. Kjo në një moment që ekonomia vazhdou të zgjerohet dhe inflacioni iu afrua nivelit më të lartë të tre dekadave, sipas të dhënave të bankës qendrore.

Prona përbën një pjesë të madhe të pasurisë familjare në Greqi, ku norma e pronësisë së banesave është rreth 73.5%, mbi mesataren e eurozonës prej 66%, sipas statistikave të Bashkimit Europian mbi të ardhurat dhe kushtet e jetesës. Rimëkëmbja e sektorit të banesave në Greqi është nxitur nga një ekonomi në rritje dhe interesi i të huajve.

Çmimet e apartamenteve u rritën me 11.2% në tremujorin e tretë në krahasim me të njëjtën periudhë të një viti më parë, sipas të dhënave të Bankës së Greqisë, dhe ritmi u rrit me 10.1% në tremujorin e dytë. Trendi rritës përfshin të gjitha fushat e tregut: apartamentet e vjetra dhe të reja të ndërtuara; si dhe të gjitha rajonet.

Çmimet u rritën me 13% në bazë vjetore në Athinë, ku platformat e ndarjes së shtëpisë si Airbnb dhe programi “viza e artë” – një leje qëndrimi pesëvjeçare e rinovueshme në këmbim të një investimi prej 250 mijë euro  në pasuri të paluajtshme – u bënë popullore.

Ekonomia e Greqisë u rrit me një rritje vjetore prej 7.7% në tremujorin e dytë, duke tejkaluar parashikimet, por duke u ngadalësuar nga një ritëm prej 8% në tremujorin e parë, për shkak të shpenzimeve dhe investimeve të forta konsumatore.

Inflacioni i konsumatorit u përshpejtua në 12% në shtator, afër nivelit maksimal prej tre dekadash, pas rritjes së kostove për energjinë, strehimin, transportin dhe ushqimin.

Çmimet e banesave ranë me 42% midis 2008-ës – kur filloi një recesion i gjatë – dhe fundit të 2017. Tregu u godit nga taksat e pronës të vendosura për të mbyllur deficitet buxhetore, huadhënie të shtrënguar bankare dhe një normë papunësie që arriti kulmin në 27.8% në 2013. Perspektivat ekonomike u përmirësuan më vonë, me Greqinë që doli nga paketa e fundit e shpëtimit në gusht 2018.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.