Rritet lehtë çmimi i energjisë për bizneset – Për tetorin, të lidhurit në 35 KV do të tarifohen me 31.5 lekë/kWh

Çmimet e energjisë për bizneset e liberalizuar, të lidhur në tensionin 35 KV do të pësojë një rritje të lehtë për muajin tetor. Enti Rregullator i Energjisë miratoi çmimet e reja për këtë kategori, duke përcaktuar se 1 kWh për tetorin do të kushtojë 31.50 lekë, nga 31.15 lekë që ishte një muaj më parë, ndikuar nga lëvizjet e kursit të Euros.

Ndërkaq, gjatë mbledhjes u diskutua edhe një herë kërkesa për përfshirjen në këtë çmim edhe të kostos së disbalancave, që u rrëzua sërish. Gjithsesi, anëtarët e Bordit kërkuan zhvillimin e një seance dëgjimore për këtë çështje.

Ndërkaq, sa i takon bizneseve të liberalizuar, të lidhur në tensionin 20, 10 dhe 6 KV përmes një vendimi të mëparshëm, ERE ka fiksuar çmimin deri në muajin dhjetor, duke përcaktuar se kjo kategori do të faturohet me 18.26 lekë/kWh, ndërsa shak për mos ndryshimin deri në fund të vitit është marrëveshja mes Furnizuesi i Shërbimit Universal dhe Koperporatës Elektorenergetike Shqiptare për sigurimin e energjisë me 12 lekë/kWh.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.