Rritet papritur inflacioni në Britani – Pas tre muajsh rënie të vazhdueshme arrin në nivelin 10.4%
Inflacioni në Mbretërinë e Bashkuar u rrit papritur në muajin shkurt, pasi faturat e ushqimit dhe energjisë vazhduan të rriteshin, duke vënë presion të mëtejshëm mbi familjet.
Indeksi i çmimeve të konsumit u rrit me 10.4% vjetore, mbi parashikimin e konsensusit prej 9.9% midis ekonomistëve në një sondazh të Refinitiv dhe nga 10.1% në janar.
Zyra e Mbretërisë së Bashkuar për Statistikat Kombëtare tha se kontributet më të mëdha në rritje në ndryshimin mujor në normat e Indeksit të Çmimit të Konsumit erdhën nga restorantet dhe kafenetë, ushqimet dhe veshjet, pjesërisht kompensuar nga kontributet në rënie nga mallrat dhe shërbimet rekreative dhe kulturore.
Indeksi i Çmimeve të Konsumit duke përfshirë kostot e banesave të pronarëve u rrit me 9.2% në 12 muajt deri në shkurt 2023, nga 8.8% në janar.
Rritja e papritur në shkurt shënoi një shkëputje nga tre muaj radhazi të ngadalësimit të rritjes së çmimeve që nga niveli më i lartë 41-vjeçar prej 11.1% i arritur në tetor.
Familjet britanike vazhdojnë të përballen me faturat e larta të ushqimit dhe energjisë, ndërsa punëtorët në një sërë sektorësh kanë nisur protestat dhe grevat në muajt e fundit mes mosmarrëveshjeve mbi pagat dhe kushtet.
Banka e Anglisë, e cila ka rritur në mënyrë agresive normat e interesit në një përpjekje për të frenuar inflacionin, do të shpallë vendimin e saj të fundit të politikës monetare të enjten.
Dorina Kurtaj /SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.