“Rritja e normës, besim i fortë në bankat europiane” – Villeroy: Vendimi i BQE, në linjë me strategjinë anti-inflacion
Vendimi i Bankës Qendrore Europiane për të rritur normat e interesit me gjysmë pike përqindje të enjten pasqyron prioritetin për të luftuar inflacionin dhe gjithashtu sinjalizon besim të fortë në soliditetin e bankave europiane. Deklarata është bërë nga anëtari I bordit të BQE dhe njëkohësisht Guvernator I Bankës Qendrore francize, Francois Villeroy de Galhau.
Sipas tij, bankat franceze dhe europiane janë shumë solide.
Një trazirë në tregjet globale e shkaktuar nga kolapsi i javës së kaluar të Silicon Valley Bank dhe i përkeqësuar nga dyshimet rreth të ardhmes së Credit Suisse të Zvicrës kishte bërë që shumë investitorë dhe politikëbërës të ngrinin pikëpyetjen nëse BQE do të ndalonte ciklin e saj të rritjes së normës.
Në përputhje me udhëzimet e saj të përsëritura shpesh, banka qendrore për 20 vendet që përdorin monedhën euro, rriti normën e saj të depozitave në 3%, niveli më i lartë që nga fundi i vitit 2008, pasi inflacioni ka kaluar objektivin e saj prej 2%.
Sipas Villeroy, vendimi I fundit është një sinjal besimi, që është i fortë dhe i dyfishtë. Ai pasqyron besimin në strategjinë anti-inflacion, si dhe në qëndrueshmërinë e bankave europiane dhe francize.
Ndërsa BQE kishte “mjetet për të siguruar likuiditetin e bankave”, Villeroy tha se nuk kishte gjasa që t’i përdorte ato pasi “bankat europiane nuk janë në të njëjtën situatë si bankat e SHBA”.
Dorian Koça /SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.