Rritja e pagës minimale, fluks te sigurimet vullnetare – Qytetarët dynden për të mos paguar 1,300 lekë më shumë nga 1 prilli

10 ditët e mbetura deri në rritjen e pagës minimale në 40 mijë lekë ka nxitur interesin e qytetarëve që paguajnë sigurime vullnetare për ti paguar me tarifën e vjetër.

Drejtoresha e kontributeve pranë Issh, Edlira Kreka tregon se mbarimi i afatit ka nxitur 30% më shumë qytetarë të kontribuojnë në këto sigurime.

Kuota mujore e sigurimit vullnetar  aktualisht është 7,344 lekë  tashmë qytetarët që kanë sigurimin vullnetar duhet të paguajnë më shumë.

Duke ju referuar raportit të vitit 2021 të ardhurat në sigurimet shoqërore nga sigurimi vullnetar arritën  501 milionë lekë. Ndërkohë numri total i kontribuesve vullnetar për këtë periudhë ishte 6,437 persona.

Marinela Lina / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.