Rritja e paralajmëruar e çmimeve të bulmetit. Si e komentojnë blegtorët dhe qytetarët

Duke nisur nga 15 shkurti kompanitë e mëdha të përpunimit të qumështit kanë informuar pikat e shitjes me pakicë se do të rrisin çmimin e qumështit dhe nënprodukteve të tij.

Ky paralajmërim ka ngritur shqetësimin e qytetarëve të cilët thonë se një rritje tjetër e çmimeve do të ishte një goditje e madhe për ata, sidomos për pensionistët.

Sabri Saka, një fermer nga Baldushku që prej 31 vitesh tregton qumështin në disa zona të Tiranës, thotë se rritjen e çmimi do ta bënte vetëm nëse rriten produktet për fermerët, pasi kanë frikën e largimit të klientelës.

Aktualisht një litër qumësht i fermerëve është 160 lekë ndërsa në markete rreth 200 lekë. Qumështi dhe produktet e tij kanë qenë ndër produktet që janë shtrenjtuar më shumë në 2022. Sipas të dhënave të INSTAT  për muajin dhjetor 2022, inflacioni vjetor i nëngrupit “qumësht, djath, vezë” arriti nivelin rekord prej 25.4%.

Marinela Lina/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.