Rusia: Gjermania po rrezikon sigurinë europiane duke ‘rimilitarizuar’!

Rusia të premten akuzoi Gjermaninë për çekuilibër të sigurisë europiane duke “rimilitarizuar”, ndërsa Berlini lëviz për të rritur shpenzimet e tij ushtarake në përgjigje të pushtimit të Ukrainës nga Moska. Në komentet e botuara në gazetat gjermane këtë javë, kancelari Olaf Scholz tha se Berlini së shpejti do të ketë ushtrinë më të madhe konvencionale të anëtarëve evropianë të NATO-s.

Scholz u zotua në shkurt të rrisë ndjeshëm shpenzimet e mbrojtjes dhe të injektojë 100 miliardë euro (107.39 miliardë dollarë) në forcat e armatosura të Gjermanisë, duke shënuar një ndryshim të madh të politikës për ushtrinë pas dekadave të rrënimit pas përfundimit të Luftës së Ftohtë. Ligjvënësit pritej të votonin mbi planin e shpenzimeve të premten.

Paratë do të përdoren gjatë disa viteve për të rritur buxhetin e rregullt të mbrojtjes së Gjermanisë prej rreth 50 miliardë euro dhe për t’i mundësuar vendit të përmbushë objektivin e NATO-s për të shpenzuar 2% të prodhimit të tij ekonomik për mbrojtjen çdo vit.

Rusia e ka kritikuar ashpër masën, të cilën Berlini e njoftoi menjëherë pasi Moska pushtoi Ukrainën.

“Në një kohë kur duhet të kërkohen mundësi për të reduktuar kërcënimet e përbashkëta, Gjermania, përkundrazi, merr rrugën e përshkallëzimit të situatës ushtarako-politike në kontinentin europian, duke drejtuar dhjetëra miliarda euro për të rritur masën kritike të armë”, tha Zakharova.

Rusia e quan pushtimin e saj një “operacion special ushtarak” për të çarmatosur dhe “denazifikuar” fqinjin e saj. Ukraina dhe aleatët e quajnë këtë një pretekst të pabazë për një luftë që ka vrarë mijëra, ka rrafshuar qytete dhe ka detyruar më shumë se 6 milionë njerëz të ikin jashtë vendit.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.