Sa do të shpenzohet për sigurinë në 2023-shin? – 19.1 milionë euro investime, shifra në “stanjacion” prej 4 vitesh
Qeveria planifikon të shpenzojë për rendin dhe sigurinë publike gjata vittit të ardhshëm afro 36.5 miliardë lekë apo 312 milionë euro. Buxheti total për këtë zë ka pësuar një rritje graduale nga viti në vit, por sa i takon fondeve që do përdoren specifikisht për investime, janë thuajse në të njëjtin nivel të 4 viteve të fundit.
Konkretisht për investime të rendit dhe sigurisë publike do të shkojnë rreth 2.24 miliardë lekë apo 19.1 milionë euro , ndërsa apjesa tjetër shkon për paga, sigurime, mallra dhe shërbime.
Në realcionin që shoqëron buxhetin specifikohet se gjatë vitit të ardhshëm parashikohet rritjen e hetimeve të kurorzuara me ndëshkim nga organet e drejtesisë mesatarisht me 3 % më shumë krahasuar me vitin 2022; Rritje e nivelit të sigurisë publike duke forcuar kontrollin e territorit dhe policimin në komunitet përmes rritjes së numrit të shërbimeve të patrullimit si dhe reduktimit të kohës së reagimit të shërbimeve policore. Reduktim i trafiqeve, krimit ndërkufitar dhe rasteve të imigrimit të paligjshëm kryesisht nëpërmjet reduktimit të kohës së procedimit; Reduktim të kohës së reagimit ndaj krimeve të dhunës në familje; Rritja e hetimeve proaktive në fushën kundër korrupsionit dhe pastrimit të parave ndaj totalit të hetimeve; Rritja e operacione policore mbi hetimet proaktive të realizuara nga strukturat policore.
Po ashtu parashikpohet të përmirëssohet Sigurisa së Personaliteteve Vendas dhe të Huaj në përputhje me standardet europiane, konkretisht në zbatimin e standartin Gjerman si dhe përdorimit në mënyrë efektive të përditësimit të ngjarjeve në regjistrin civil, në autorizimin dhe çertifikimin e aplikimeve për lëshimin e dokumenteve të identitetit, përmes reduktimit të kohës për trajtimin e kërkesës nga sistemi i Regjistrit Kombëtar të Gjendjes Civile.
Elisabeta Dosku / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.