Sa kroatë besojnë në jetë më të mirë nga eurozona? – Të rinjtë më optimistë se të moshuarit. Euro do të krijojë më shumë mundësi pune

Në një kohë që sipas Bankës Qendrore Europiane, cmimet në Europë dhe në eurozonë rriten dhe më shumë, Kroacia zyrtarisht do të ketë euron si monedhë vendase nga 1 janari 2023. Pas anëtarësimit në Bashkimin Europiuan në 1 korrik 2013 dhe hyrjes në zonën Shengen për lëvizjen e lirë që do të hyjë në fuqi në 1 korrik 2023, Kroacia bën dhe hapin e fundit për të qenë totalisht pjesë e klubit europian.

Sipas Komisionit Europian, deficiti dhe borxhi publik i Kroacisë janë në të njëjtin nivel me vendet e tjera të bllokut dhe papunësia është deri në 7%. Paga mesatare në vend është një mijë euro ndërsa pensionet sa 1/3 e pagave dhe janë të shumtë ata që mendojnë se dhe po të rriten nuk do të mjaftojnë për t’u përballur me koston e lartë të jetesës.

Por, pjesa më e madhe e popullsisë kroate mbështet euron, të rinjtë sidomos janë optimistë dhe nuk mendojnë se një hap i tillë do të rrisë inflacionin, në kundërshtim me prindërit e tyre.

Sipas brezave të rinj monedha e vetme do të krijojë më shumë mundësi pune dhe do të lehtësojë lëvizjet. Në Kroaci euro është futur prej kohësh në përdorim nga kompanitë më të mëdha. Më të moshuarit janë të shqetësuar nga kjo lëvizje dhe pse qeveria e kryeministrit Andrej Plenkoviç ka miratuar një ligj për rritjen e pensioneve.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.