Sa u gjobit shteti shqiptar nga Gjykata Evropiane? – Çështjet e pronës dhe proceset e parregullta gjyqësore i kushtuan vetëm 29 mln lekë

Gjatë vitit të kaluar, shteti shqiptar është gjobitur në vlerën 29 milionë lekë, ose 279 mijë euro nga Gjykata Evropiane e të Drejtave të Njeriut. Referuar një raporti të Avokaturës së Shtetit, në Gjykatën Evropiane të të Drejtave të Njeriut janë trajtuar gjithsej 29 çështje shqiptare përgjatë vitit 2023, të cilat lidheshin kryesisht me shkeljen e të drejtës për një proces të rregullt gjyqësor dhe të drejtën e pronës.

Në vitin 2023, Gjykata Evropiane e të Drejtave të Njeriut ka dalë me 47 vendime për 75 kërkesa. Konkretisht, një rast i veçantë ka qenë ndaj çështjes së vettingut dhe 17 kërkesa lidheshin me pretendimet për shkelje të një procesi të rregullt gjyqësor. Në këto çështje, palët paditëse kanë kërkuar një dëmshpërblim prej 2 miliardë lekësh, vlerë e cila nuk është pranuar nga gjykata, duke i kursyer buxhetit të shtetit mbi 95% të kësaj shume.

Çdo qytetar shqiptar, kompani apo biznes, mund të dërgojë një kërkesë pranë Gjykatës Evropiane të të Drejtave të Njeriut, në rast se ka qenë viktimë e shkeljes së të drejtave dhe garancive të përcaktuara në Konventën Evropiane të të Drejtave të Njeriut. Kërkesa mund të depozitohet pranë kësaj gjykate, vetëm nëse personi nuk ka gjetur zgjidhje për çështjen e tij në asnjë prej hallkave të gjykatave shqiptare.

Shqipëria është bërë anëtare e Këshillit të Evropës në vitin 1995 dhe menjëherë pas anëtarësimit ka nënshkruar Konventën Evropiane të të Drejtave të Njeriut. Që prej atëherë, ka pasur një numër të konsiderueshëm rastesh ku qytetarë dhe biznese kanë paditur shtetin shqiptar për shkelje të të drejtave të tyre.

Ledina Elezi/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.

Sa u gjobit shteti shqiptar nga Gjykata Evropiane? – Çështjet e pronës dhe proceset e parregullta gjyqësore i kushtuan vetëm 29 mln lekë

Artikujt e Fundit

Çfarë eksporton Shqipëria më shumë në rajon?-INSTAT/ Veshje dhe këpucë, me tonelata në Itali dhe Greqi

Shqipëria pozitive në rritjen ekonomike/Raporti i BB vlerëson rënie të varfërisë, ndikim ndryshimi i pagave

Kënaqësia nga jeta: Cilat janë vendet më të lumtura në BE?

Cilat kryeqytete janë ndër vendet më të kushtueshme për shtëpi me qira në Europë?

Google, marrëveshje për energjinë bërthamore – Kompania kërkon burime të reja për të furnizuar qendrat e të dhënave

Inflacioni i Shtatorit, një vend larg kufirit të BE-së – Norma e vlerësuar sipas metodës së Eurostat arriti në 2.3%

“Kërkesa për lëndë djegëse fosile, kulmi në 2030” – IEA: Pritet rritje e investimeve për energjinë e pastër, ulje e çmimit të naftës

“Turizmi dhe ndërtimi do të nxisin ekonominë” – Raporti i BB: Rritje 3,3% për 2024. Ja rreziqet potenciale

Sa u gjobit shteti shqiptar nga Gjykata Evropiane? – Çështjet e pronës dhe proceset e parregullta gjyqësore i kushtuan vetëm 29 mln lekë

Të Tjera

Artikujt e Fundit