Shefi i Financave në IuteCredit: Mbrojmë klientët nga çdo e papritur

I ftuar në emisionin “Vetting” nga Lorenc Rabeta në Scan TV, Shefi i Financave në IuteCredit, Z. Ervin Peçuni u shpreh mbi zhvillimet më të fundit në vend dhe Evropë, në lidhje me kushtet e kredive dhe industrinë e mikrofinancave.

Ditët e fundit Banka e Shqipërisë lajmëroi zbatimin e një norme efikase interesi maksimal, ose siç njihet gjerësisht si norma tavan, për kreditë konsumatore. Me premisën e ruajtjes së balancave të shëndetshme në tregun financiar, kjo lëvizje në fakt është perceptuar nga institucionet e mikrokredisë si një “betejë” e bërë vetëm në fushën e tyre, duke sjellë një favorizim të institucioneve bankare.

Në bisedën e tij me gazetarin Rabeta, Z. Peçuni u shpreh se industria e mikrokredive vitet e fundit ka ndjerë shumë ndikimin e pandemisë, konfliktet në Evropën Lindore, duke shtuar koston që IuteCredit duhet të paguajë kur vetë kompania del në treg për të marrë kreditë. Ai deklaroi se ndër vite janë ndjekur politika paravepruese për të reduktuar impaktin që zhvillime të tilla kanë te kompania dhe klientët e saj, por lëvizja e fundit e Bankës së Shqipërisë, ishte një shtrenjtim i radhës i produkteve nga 60,000 deri në 200.000 lekë. Këto janë disa nga kreditë kryesore me të cilat operon tregu i mikrofinancës dhe tashmë ky treg futet në kushte të pabarabarta me tregun bankar, të cilat nuk i kanë zëra kryesorë në portfolin e tyre të ofertës.

Peçuni diskutoi edhe rritjen e EuriBor, duke siguruar edhe një here klientët se ky disavantazh që klientët e bankave do të ndjejnë në interesat e tyre të kredive, nuk është një e papritur që e ndjejnë klientët e IuteCredit.

Ndërsa analizoi dhe shifrat përmbyllëse të vitit 2022, Shefi i Financave të IuteCredit u shpreh se investimi në digjitalizim, masat e ndërmarra IuteCredit Group dhe një seri faktorësh pozitiv në operacione, kanë siguruar një performancë pozitive për IuteCredit, duke qenë edhe më pozitive qasja për vitin që nisi.

Për këtë vit Z. Peçuni u shpreh se investime të dedikuara do të kryen në teknologji duke lehtësuar edhe më tej jetën e klientëve, por duke ruajtur edhe një element tepër favorizues në treg, siç është automatizimi dhe shkurtimi i veprimeve dhe ruajtja e të dhënave të klientëve.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.