Shpallet fituesi i tenderit të teatrit – ODA “ngre” flamurin e kuq: U skualifikuan të gjithë pjesëmarrësit e tjerë në garë

Bashkia e Tiranës ka shpallur kompanitë fituese për ndërtimin e Godinës së Teatrit Kombëtar, pas shembjes së kontestuar së godinës historike. Me një ofertë prej 1,840,784,139.32 lekë, pa TVSH fitues është shappllur bashkimi i kompanive ”Agi Kons” dhe “BE-IS”, ndërkohë që të gjithë operatorët e tjerë pjesëmarrës në garë u skualifikuan.

Për këtë arsye sistemi i Open Data Albania “ka ngritur” flamurin e kuq, që nënkupton klasifikimin e tenderit me risk për korrupsion apo moszbatim të procedurave ligjore. Në garë morën pjesë 6 kompani, por 2 prej tyre nuk paraqitën ofertë financiare, ndërkohë që të paktën 1 tjetër paraqiti ofertë më të ulët se ajo fituese.  Ndërkaq, oferta fituese është sa 99.2% e fondit limit të vënë në dispozicion për këtë procedurë prokurimit, mbi kufirin e lartë monetar.

Tenderi për fazën Godinën e Teatrit Kombëtar – Faza I u hap në datën 4 tetor të këtij viti, ndërkohë që referuar dokumenteve të tenderit, kohëzgjatja e punimeve të fazës së parë parashikohet të jetë 27 muaj nga nënshkrimi i kontratës.

Teatri Kombëatr u shemb nga INUV në datën 17 maj të vitit 2020, pas një beteje të gjatë mes qeverisë dhe artistëve e qytetarëve, që kërkonin rehabilitimine godinës ekzistuese.  Teatri do të pozicionohet në të njëjtën vendoddhje, si godina historike por gjatë diksutimeve të ligjit special, që kaloi në Kuvend për ndërtimin e teatrit të ri u deklarua se në funksion të tij do të ketë 9000 m katror tokë, nga 1126 m që ka aktualisht.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.