Shqetësimi për ndotjen e ajrit në Tiranë, Joxhe: Ja zonat më problematike, AKM shmang detyrimin për informimin e qytetarëve

Niveli i dioksidit të karbonit, dioksidit të azotit dhe grimcave PM10 dhe PM2.5 në Tiranë është tej normave të lejuara. Albana Joxhe nga Milieukontakt bën me dije për TV SCAN disa nga gjetjet kryesore të monitorimeve të kryera në gjithë territorin e kryeqytetit nga kjo organizatë, me mbështetjen financiare të Ambasadës Suedeze.

Joxhe bën me dije dhe disa nga pikat më problematike, ku ndotja e ajrit rezulton më e lartë.

Por, teksa të dhënat janë shqetësuese, Agjencia Kombëtare e Mjedisit nuk kryen asnjë matje e për pasojë, jo vetëm që nuk informon qytetarët për rrezikun ndaj të cilit janë të ekspozuar, por në të njëjtën kohë nuk ofron të dhëna të domosdoshme për politika të reduktimit të ndotjes.

Joxhe thotë se janë një sërë masash, që duhet të ndërmerren, duke marrë në konsderatë problemet që shkakton në shëndet ekspozimi ndaj ndotjes së ajrit.

Ola Mitre/SCAN

 

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.