Shqipëria “i heq pasaportën” kompanisë “Aleat” – Koncesioni nuk rinovohet, prodhimi i kalon kompanisë shtetërore 

Koncensionari “Aleat” që ofron shërbimin e tij prej 16 vitesh në vendin tonë për prodhimin e dokumentave biometrike, pasaportë dhe kartë identiteti, nuk do të marrë një rinovim kontrate nga shteti shqiptar. Kjo u bë e ditur nga Ministri i Brendshëm Bledi Çuçi që njoftoi se këtë vit do të krijohet një kompani shtetërore që do t’ua ofrrojë këtë shërbim qytetarëve.

Aleat Sh.p.k. (Aleat) është një kompani që operon në Shqipëri në bazë kontrate konçesioni të lidhur ndërmjet Ministrisë së Punëve të Brendshme të Shqipërisë dhe konsorciumit të IDEMIA SA (Francë) dhe Fondit Shqiptaro-Amerikan të Ndërmarrjeve (Shqipëri) për prodhimin dhe shpërndarjen e kartave të identitetit dhe pasaportave biometrike për qytetarët shqiptarë. Kontrata e koncensionit u ratifikua në 2018 dhe në 2013 u nënshkrua zgjatja e kontratës për një periudhë 10-vjeçare, të cilës në 2023 i skadon afati.

Me 109 pika shërbimi në të gjithë vendin ky konçensionar në 2021 është renditur i pari për nga fitimet më të larta në vlerë nga të gjitha konçensionet dhe kishte një normë fitimi prej rreth 40%. Fitimet në vlerë ishin 2.6 miliardë lekë (rritje 4%).

Marinela Lina / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.