Shqipëria jo recesion, por çmime të larta deri në 2024 – FMN lë detyra: Strategji të reja afatmesme, të mbahet në kontroll deficiti e borxhi publik
Ekonomia shqiptare me shumë gjasa nuk do të bjerë në recesion, edhe nëse kjo ndodh në vendet e BE-së, ndërkohë që familjet do të përballen me ccmime të larta të paktën deri në gjysmën e parë të vitit 2023. Në një konferencë të përbashkët me Fondin Monetar Ndërkombëtar dhe Ministrinë e Financave, Guvernatori i Bankës së Shqipërisë Gent Sejko tha se inflacioni parashikohet të bjerë në nivelin 3% vetëm në vitin 2024.
Në të njëjtën linjë ishin edhe parashikimet e Fondit Monetar Ndërkombëtar, përfaqësuesit e të cilit gjenden në Shqipëri prej dy javësh. Shefja e FMN-së në Tiranë, Yan Sun tha se Shqipëria duhet të adresojë shpejt disa prej parametrave kyccë, si deficitin buxhetor, borxhin publik, mbështetjen e targetuar të shtresave në nevojë, ndërkohë që foli për dosmosdoshmërinë e hartimit të strategjive të reja afatmesme.
Kreu i misionit të FMN vuri shumë pikëpyetje edhe mbi amnistinë fiskale që po përgatit Qeveria, duke u shprehur se Shqipëria nuk ka kapacitetet për të garantuar se përmes saj nuk do ligjërohen pasuri të dyshimta, në një kohë që foli edhe për mesazhin negativ që u jepet bizneseve të ndershme.
Lorenc Rabeta / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.