Shqipëria në takimin rajonal të BE-së për biznesin: Një sistem funksional i infrastrukturës së cilësisë parakusht për standardet e prodhimeve!

Në takimin rajonal BE për Biznesin u vlerësua se nxitja e tregut të përbashkët rajonal nëpërmjet infrastrukturës se cilësisë dhe tregtisë elektronike, i cili u mbajt në Budva, është një parakusht për standardet e prodhimeve. Takimi u organizua nga GIZ (Deutsche Gesellschaft für Internationale Zusammenarbeit) në kuadër të projektit “Mbështetje për Integrimin Ekonomik Rajonal” në emër të Bashkimit Europian (BE) dhe Ministrisë Federale Gjermane të Bashkëpunimit Ekonomik dhe Zhvillimit (BMZ)

Sipas njoftimit pë shtyp ky takim mblodhi përfaqësues të ekonomive të vendeve të CEFTA-s që synojnë të hapin diskutimin mbi zhvillimin e një të kuptuari të përbashkët të veprimeve të posaçme për të lehtësuar tregtinë tek prodhimet industriale bazuar në njohjen e certifikatave të konformitetit.

Tanja Boskoviç, Menaxhere e Projektit në GIZ deklaroi se të gjitha përpjekjet e investuara në përmirësimin e infrastrukturës së cilësisë janë plotësim i aktiviteteve të vazhdueshme, të përbashkëta me vendet e CEFTA-s për të mbështetur zbatimin e reformave tregtare në rajon, në përputhje me kërkesat e procesit të aderimit  në BE.

Ndërkaq David Hudson, përfaqësues i DG NEAR (Drejtoria e Përgjithshme për Negociatat e Fqinjësisë dhe Zgjerimit) u shpreh se për shkak se eksportuesit duhet të përmbushin standarde të ndryshme për të eksportuar në tregjet e huaja kjo kushton kohë dhe para, ndërkohë për konsumatorët kjo do të thotë çmime më të larta.

Danijela Gačević, nga Sekretariati i CEFTA-s, deklaroi se lëvizja e lirë e mallrave është një nga parimet kyçe të tregtisë së lirë.

Sipas informacionit të publikuar deri më tani janë ndërmarrë hapa të rëndësishëm janë ndërmarrë drejt afrimit të rajonit me Tregun e Përbashkët  të BE-së pasi Plani i Veprimit të Përbashkët Rajonal parashikon se Tregu i Përbashkët Rajonal do të funksionojë në përputhje me acquis e BE-së për të siguruar lëvizjen e lirë të mallrave industriale në rajon.

‘Për këtë, është e nevojshme një Infrastrukturë e Cilësisë (IC) plotësisht funksionale dhe e mirë-strukturuar. Projekti do të mbështesë vendet e CEFTA-s për të rritur kapacitetet e institucioneve të infrastrukturës së cilësisë që të ofrojnë një rang të gjerë shërbimesh të IC-së, për të siguruar konkurrencë të ndershme dhe mbrojtje të konsumatorit nëpërmjet një sistemi të përmirësuar të mbikëqyrjes së tregut,’ shkruhet në njoftimin për shtyp.

Edel Strazimiri / SCAN

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.