Shqipëria, rekord zyrash këmbimi valutor, dyfishohen në 10 vite – Tendenca/ në 10 vite, numri shkoi nga 284 në 556 të tilla
Ndërsa përkufizohen nga banka e Shqipërisë si hallka më vulnerabël kur vjen fjala te rreziku i pastrimit të parave, numri i zyrave të këmbimit valutor janë dyfishuar në 10 vitet e fundit. Banka e Shqipërisë raporton se aktualisht në vend numërohen 556 zyra të këmbimit valutor, nga 284 në vitin 2010.
Pikërisht gjatë vitit të shkuar, me kërkesë të Moneyval, banka e Shqipërisë nisi një fushatë inspektimesh në zyrat e këmbimit valutor në vend.
Subjekt inspektimesh u bënë 90 Zyra Këmbimi Valutor, prej të cilave në 15 ZKV është realizuar procesi i ndjekjes së zbatimit të rekomandimeve si rrjedhojë e mangësive të konstatuara në ekzaminimin e mëparshëm. Inspektimet prodhuan një seri masash administrative: Gjobë 26 ZKV; Tërheqje vëmendje 16 ZKV; Revokim licence 12 ZKV.
Në total, inspektimet konkluduan në revokimin e licencës së 23 zyrave të këmbimit valutor, por Banka e Shqipërisë sqaron se Rastet e ZKV-ve që iu është revokuar licenca nuk lidhen me çështjet e PPP/FT, apo pastrimit të parave, por me procesin e ekzaminimit në vend. Në këtë rast është konstatuar mos ushtrim apo ndërprerje aktiviteti.. Ndërkohë që numri i tyre jo vetëm nuk ra, por u rrit me licencimin e 41 zyrave të reja të këmbimit valutor. Ndërkohë që Burime zyrtare për Televizionin Scan se kërkesa për licenca të reja në shërbimin e këmbimit valutor vijon të jetë e lartë edhe për këtë vit.
Lorenc Rabeta / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.