Shqipëria ‘thjeshton’ tregtinë e armëve për popullatën – Ministria e Brendshme: Ka vakum ligjor për shitjen e armëve të vogla me përsëritje

Këshilli i Ministrave ka hedhur për konsultim publik një projektligj i cili rregullon një vakuum ligjor sa i përket licendimit të subjekteve për tregtimin e armëve në vend. Sipas Ministrisë së Brendëshme, Qëllimi i këtij projektligji është plotësimi i vakumit ligjor, të krijuar në vijim të miratimit të ligjit nr. 152/2020, “Për disa ndryshime dhe shtesa në ligjin nr. 74/2014, “Për armët”, lidhur me përcaktimin e autoritetit përgjegjës për lëshimin e licencës për tregtimin e armëve të kategorisë “B”, pjesëve kryesore të tyre dhe municioneve.

Sipas Ligjit të vitit 2020 në këtë kategori armë zjarri të shkurtra me përsëritje (B1); dhe armët e zjarrit të gjata gjysmautomatike me krehër dhe fole, që mund të mbajnë së bashku më shumë se 3 fishekë në rastin e armëve të zjarrit me ndezje anësore dhe më shumë se tre, por më pak se dymbëdhjetë fishekë, në rastin e armëve të zjarrit me ndezje qendrore.

Në ligjin e mëparshëm licenca për këto kategori armësh jepej nga Policia e Shtetit, por me rikategorizimin e armëve ligji itransferon përgjegjësinë e veprimtarive të lejuara me armët e kategorisë “A” dhe “B” (import/eksport, ndërmjetësimi, transitimi, prodhimi dhe demilitarizimi) Ministrisë së Mbrojtjes dhe strukturës së saj përgjegjëse, duke i lënë në përgjegjësi Policisë së Shtetit importin dhe tregtimin e armëve të kategorisë “C” për armët e gjashur dhe “D”, ku përfshihen sportive.

“Miratimi i këtij projektligji do të sjellë rritjen e efektivitetit të procesit dhe përmbushjen e qëllimit të ligjit nëpërmjet realizimit të një procesi kontrolli dhe vlerësimi të bazuar tërësisht në ligj, duke plotësuar vakumet ligjore, me qëllim shmangien e keqinterpretimeve të ligjit në zbatimin praktik të tij”, theksohet në relacionin shoqërues të projektligjit.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.