Shteti që “urren” automjetet elektrike – Nga viti 2035, Wyoming në SHBA ky vend do të ndalojë totalisht shitjen e tyre

Wyoming në Shtetet e Bashkuara të Amerikës synon të ndalojë totalisht shitjen e automjeteve elektrike. Tashmë prej muajsh flitet për ndalimin e shitjes së automjeteve me naftë dhe benzinë në Europë duke filluar nga viti 2035. Por në këtë skenar ekziston një vend që kërkon të arrijë objektivin e kundërt pasi nuk do asnjë automjet elektrik në territorin e tij. Për këtë arsye synon të ndalojë totalisht shitjen e tyre duke filluar nga viti 2035.

Një objektiv i cuditshëm, sidomos në një kohë kur nuk flitet për gjë tjetër, vetëm për të mirat që do të sillte qarkullimi i automjeteve 100% elektrike, në ambientin ku jetojmë por dhe për buxhetin e përdoruesve të tyre.

Dhe në Europë ka vende të cilat kanë ende dyshime për këtë tranzicion dhe pasojat e tij. Por ndalimi total i shitjeve të tyre është vendim jo i zakontë.

Shteti amerikan në fakt ka miratuar një normativë për të ndaluar gradualisht shitjen e automjeteve elektrike, duke zgjedhur një datë paradoksale për ndalimin total të tyre. Është e njëjta datë kur pritet që në Europë  të qarkullojnë veyë, automjete elektrike.

Senatori Jim Anderson është promovuesi i kësaj iniciative, por janë të shumtë kolegët e tij që e kanë mbështetur me arsyetimin se objektivi është mbrojrja e interesave ekonomike vendore.

Mes shteteve amerikane, Wyoming është më pak i populluari në absolut, por gjithësesi një prodhues i madh i naftës: i teti në listë. Kompania vendore “Oil&Gas”, aktualisht numëron mijëra të punësuar. Tranzicioni energjetik do të rrezikonte vendet e tyre të punës në këtë sektor dhe mund të kthehet në një problem shumë serioz për Wyoming, por dhe për shtete të tjera amerikane të cilkat varen shumë nga nxjerrja dhe rafinimi i produkteve të naftës.

Është e qartë se kalimi në një lëvizshmëri 100% elektrike do të shkaktonte një rënie të kërkesës për këto produkte duke rrezikuar vendet e punës. Por gjithësesi duket se nuk është i mundur propozimi i një ligji të mirëfilltë i cili ndalon në mënyrë absolute shitjen e automjeteve elektrike.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.