Shtyrja e fashës së energjisë, vetëm për tetorin! ERE miraton kërkesën, në nëntor-dhjetor konsumi mbi 800 kwh/muaj do tarifohet me 42 lekë/kwh

Konsumi i energjisë mbi 800 kwh/muaj do të paguhet me 42 lekë/kwh në muajt nëntor dhe dhjetor, teksa Enti Rregullator i Energjisë ka miratuar shtyrjen e aplikimit të tarifimit me 2 fasha vetëm për muajin tetor. Pas deklaratave të qeverisë, tashmë vendimi është zyrtarizuar, ndërkohë që rishikimi i skemës nuk përjashtohet të ndodhë edhe në vijim.

Gjatë mbledhjes anëtarët e Bordit të ERE-s shkëmbyen replika me deputeten e Partisë Demokratike Jorida Tabaku, e cila tha se vendimet kompanive publike po merren për interesin e finacave të tyre, ndërkohë që ERE duhet të marrë vendime, për interesin publik.

Sipas kreut të Entit Rregullator, brenda datës 28 tetor do të shihen të dhënat financiare që do të vijnë nga kompanitë publike të energjisë, që do të shoqërojnë aplikimet e tyre në rast se do të ketë ndryshime të tjera në skemën e tarifimit.

Ola Mitre/SCAN

 

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.