Shumë para’ jashtë bankave, BSH injekton miliarda lekë – 16 operacione likuiditeti. Në verë paraja në qarkullim u rrit në total 9 miliardë lekë

Përgjatë gjithë vitit 2022, Banka e Shqipërisë ka qenë e deyturuar të injektojë vazhdimisht likuiditet në sistemin bankar për shkak të niveleve shumë ta larta të parasë në qarkullim. Dy ditë para fundit të vitit banka Shqiptare ka bërë publike Operacione në tregun e hapur dhe faktorët që kanë ndikuar mungesën e likuiditetit në sistemin bankar. Bie në sy se nga korriku, Banka e Shqipërisë ka kryer 16 operacione injektimi likuiditeti për shkak të mungesës në sistemin bankar.

Injektimi mesatar ditor nëpërmjet operacioneve injektuese të likuiditetit me maturim 1-13 javë ka qenë 43.8 miliardë lekë, me një rënie minimale për 180 milionë lekë nga niveli i 3-mujorit të mëparshëm dhe mbi mesataren e 12 muajve të fundit prej 40.2 miliardë lekësh. Mungesa ka ruajtur prirjen rritëse, duke qëndruar pranë niveleve maksimale prej 47 miliardë lekësh në fund të periudhës.

Në 2 muajt e parë të periudhës, rritja e parasë në qarkullim për në total 9 miliardë lekë ka qenë faktori kryesor i mungesës së lartë, ndërsa gjatë muajit shtator, kur paraja në qarkullim ka rënë me 6.16 miliardë lekë, akumulimi i likuiditetit në llogarinë e qeverisë ka mbajtur mungesën e likuiditetit në nivele të larta. Llogaria e qeverisë është rritur me 4.4 miliardë lekë gjatë muajit shtator dhe MFE-ja ka ulur marrëveshjen SËAP për 8.18 miliardë lekë në datën 15 shtator.

Në funksion të operacioneve për administrimin e likuiditetit të sistemit bankar, Banka e Shqipërisë ka përdorur instrumentin e saj kryesor, marrëveshjen e anasjelltë të riblerjes me maturim njëjavor për mesatarisht 24.3 miliardë lekë, kundrejt 30.3 miliardë lekëve dhe 20.1 miliardë lekëve në periudhat paraardhëse ose 55.4%. Injektimet 3-mujore janë mbajtur pothuaj të pandryshuara rreth nivelit 19.50 miliardë lekë.

Lorenc Rabeta/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.