Si do të shpërndahen 4 milionë euro për blegtorinë? – Jaupllari: Synojmë të fuqizojmë sektorin, prioritet siguria ushqimore
Rreth 4 milionë euro do të jenë të dedikuara vetëm për sektorin e blegtorisë në vend me qëllim fuqizimin e tij dhe ndaljen e rënies përgjatë këtyre viteve.
Në një intervistë për SCAN TV, zv.Ministri i Bujqësisë, Arian Jaupllari, thekson se kjo mbështetje jepet nga qeveria zvicerane dhe do të shtrihet deri në vitin 2025.
Sipas tij, duke i dhënë blegtorisë prioritet synohet të ndryshohet pamja aktuale e sektorit dhe të frenohet emigracioni.
Së fundmi është miratuar edhe vendimi për Skemën Kombëtarë të Subvencionit në bujqësi për vitin 2023, ku në total janë vendosur 3.3 miliardë lekë dhe blegtoria përfiton afro 1/3 e fondeve.
Elisabeta Dosku/ SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.