Si të shkoni mirë me kolegët e punës? 5 këshilla të sugjeruara nga ekspertët!

Edel Strazimiri / SCAN

Probleme në marrëdhëniet me të tjerët në punë? A nuk është gjithmonë kaq bashkëpunuese dhe fitimprurëse marrëdhënia me shefin apo kolegët? Takimet bëhen një makth? Sipas studiuesit gjerman Barbel Wardetzki, ka kurthe të sjelljes që mund të shmangen në mënyrë që ambienti i punës të mbetet sa më i këndshëm.

Le të shohim më të zakonshmet dhe të përpiqemi të qëndrojmë larg tyre, ndoshta duke shtuar një buzëqeshje nëse është e mundur, sepse në shkëmbimin komunikues mes kolegëve (dhe jo vetëm) ndryshon shpesh gjërat.

Nëse nuk ke qenë ti… Është gjuetia klasike e fajtorit, në të cilën përpiqesh të fajësosh dikë tjetër për dështimin e një projekti. Për t’u mbrojtur, është e nevojshme të mos qëndrosh dhe vazhdosh lojën por të rindërtojmë në kohën e duhur të gjitha pasazhet e ngjarjeve që kanë ndodhur, kontributet e dhëna për ta bërë projektin të suksesshëm dhe arsyet (pra përgjegjësitë) për dështimin. Roli i personave të tjerë të përfshirë gjithashtu duhet të rindërtohet.

Të zbulova. Shefi ose bashkëpunëtori kritikon fajtorin e supozuar të diçkaje për të anashkaluar gabimet e tij. Në këtë rast, gjëja më e mirë është të ekspozoni lojën duke thënë “E shoh që po më tregon vetëm gabimet e mia, jeni kundër meje?”.

Kështu nuk shkon. Shefi apo kolegu është gjithmonë duke kritikuar, por nëse e pyet se çfarë nuk shkon, kupton se në realitet nuk ka asnjë argument. Këta janë shpesh njerëz jokreativë që duan të bien në sy. Por ju mund t’i përfshini ata duke thënë: “Meqenëse ju jeni të mirë në matjen, ju jeni personi i duhur për të kuptuar se çfarë nuk shkon me këtë projekt.”

Ata janë të inatosur me mua. Shumë ankohen vazhdimisht për ngarkesën e punës, padrejtësinë, ashpërsinë e shefit. Ata që e bëjnë këtë shpresojnë të tërheqin ndihmë dhe një ulje të ngarkesës së tyre të punës. Edhe nëse të gjithë, pak a shumë, kemi arsye për t’u ankuar, dikush mund të përgjigjet: “Po, të kuptoj, por deri tani ke bërë shumë mirë”.

Po, por… Të gjesh gjithmonë një kundër-argument për moskryerjen e një veprimi është një mënyrë për të mos vepruar dhe për të mos marrë përgjegjësi. Është një qëndrim i vështirë për t’u kundërshtuar sepse i bën ata që bëjnë propozime të besojnë se idetë e tyre janë të gabuara. Më mirë të merrni përsipër fazat e ardhshme të punës duke ftuar kolegët të marrin pjesë dhe ata gjithsesi.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.