“Sindroma” e dorëheqjeve masive “infekton” edhe Italinë – Brenda 6 muajve, 1 milion persona janë larguar nga vendet e punës
Vazhdojnë dorëheqjet masive në Itali. Në gjashtë muajt e parë të vitit 2022 janë më shumë se 1 milion personat të cilët kanë vendosur të largohen nga vendet e punës me një rritje prej 32% në krahasim me të njëjtën periudhë në vitin 2021. Të dhënat zyrtare tregojnë gjithashtu se në të njëjtë periudhë janë dyfishuar pushimet nga puna: më shumë se 266 mijë.
Sipas analizave në terren, del në pah se ata që largohen nga vendi i punës kryesisht e bëjnë për t ëkërkuar një vend tjetër më të mirëpaguar. Pra 46% prej tyre e bëjnë për arsye ekonomike. 35% synojnë një ndryshim apo promovim në karrierë, 24% për arsye të mirëqënies fizike dhe mendore. 18% lënë punën për të ndjekur pasionet personale, dhe një 18% tjetër është në kërkim të një orari pune më fleksibël.
Dhe sipas shoqërisë italiane për drejtimin e personelit, arsyeja kryesore janë kushtet ekonomike më të kënaqshme me shpresën për të arritur një ekuilibër më të mirë mes jetës private dhe asaj profesionale.
Gjithashtu në gjashtëmujorin e parë të 2022-s, pushimet nga puna për arsye ekonomike dhe disiplinore janë rritur, përkatësisht 121% dhe 36%.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.