“Skema Kombëtare 2023 penalizon fermerët” – Braçe: Bujqësia ka nevojë për një paketë mbështetëse

Qeveria duhet të hartojë një paketë tërësore mbështetëse për sektorin bujqësor me qëllim zgjerimin e prodhimit dhe rritjen e cilësisë për të depërtuar më shumë në tregjet ndërkombëtare.

Apeli është bërë nga deputeti socialist Erion Braçe, sipas të cilit tani është një moment kyç që duhet shfrytëzuar.

“Ka nevoje për një pakete tërësore për sektorin e bujqësisë dhe duhet te ndodhe tani. Inflacioni i larte ne tregjet ku eksportojmë na dikton me ngulm te zgjerojmë prodhimin dhe te përmirësojmë cilësinë, sepse ato tregje kërkojnë cilësi te standardizuar.  Farmacitë bujqësore aktualisht nuk kanë asnjë lloj standardi,” u shpreh ai.

Nga ana tjetër Braçe ka rezerva edhe për Skemën Kombëtare të subvencioneve.

Komisioni i Ekonomisë ka diskutuar dhe miratuar propozimin e deputetit Braçe, për pagesat e vonuara në detyrimet kontraktore e tregtare,  i cili i detyron grumbulluesit të lëshojnë faturë dhe të bëjnë pagesat brenda një afati 30-60 ditë kundrejt fermerëve, në mënyrë që të mos i vendosin ata në vështirësi financiare.

Elisabeta Dosku/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.