Stacioni super i shpejtë për karikimin e makinave elektrike – Italia inauguron një nga më të mëdhenjtë që mund të gjendet në një aeroport ndërkombëtar!
Në Milano Linate u inaugurua stacioni i karikimit super i shpejtë për automjetet elektrike i pajisur me 5 kolona ultra të shpejta (me fuqi furnizimi deri në 300 kW), për 15-20 minuta.
Stacioni i Karikimit Superfast në Aeroportin Linate të Milanos që është rezultat i bashkëpunimit midis Free To X, një kompani e Autostrade per l’Italia Group, dhe SEA, një shoqëri menaxhuese për aeroporte e Milano Linate dhe Malpensa do të lejojë që 10 automjete të ngarkohen në aeroport në të njëjtën kohë.
Ky është stacioni i parë i karikimit super të shpejtë në Milano dhe një nga stacionet më të mëdha të karikimit që mund të gjendet në një aeroport ndërkombëtar.
Stacioni mbulohet nga strehimore dhe pikat ju lejojnë të rimbushni makinat e gjeneratës së fundit në vetëm 15/20 minuta, në çdo kohë të ditës, me mundësinë e përdorimit praktikisht të të gjitha formave të pagesave të ofruara nga Ofruesit e Shërbimeve të Lëvizshmërisë.
Fuqizohet nga 100% energji e rinovueshme dhe përfaqëson standardin më të lartë teknologjik për sa i përket kapacitetit dhe besueshmërisë aktualisht të disponueshme.
Ndërtimi i kësaj strukture përfaqëson një shtytje të re drejt lëvizshmërisë së qëndrueshme dhe inovative, në të cilën sisteme të ndryshme transporti janë integruar për t’u ofruar përdoruesve shpejtësi, komoditet dhe rehati më të madhe.
Edel Strazimiri / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.