Stresi në punë, Shqipëria e 9-ta në Europë – 40% e punonjësve dëshirojnë largimin nga vendi. Kryesojmë listën bashkë me Kosovën

Shqipëria renditet e 9-ta në Europë për punonjësit më të stresuar. Në një pozicionim pas Kroacisë dhe Portugalisë, nga 1000 persona të cilët kanë marrë pjesë në sondazhin e kompanisë analitike dhe këshilluese amerikane me qendër në Uashington, “Gallup”  rreth 45% e shqiptarëve mendojnë se në Shqipëri ka shumë stress në punë. Mendim ky që për pesë vitet e fundit në Shqipëri nuk ka ndryshuar shumë.

Nëse krahasohemi me shtetin fqinj, Kosova renditet në 10 shtetet me më pak stress në punë, ku vetëm 35% e tyre mendojnë se ka stress në punë.

Në Europë më të stresuar rezultojnë në punë grekët dhe më pak të stresuar në punë renditen danezët. Njerëzit në botë janë 44% të stresuar në jetën e tyre të përditshme në punë, 40 % të shqetësuar ku më së shumti renditen gratë dhe 23% të mërzitur. Në këtë përqindje botërore Europa renditen e 6-ta.

Në vitin 2020, punëtorët në botë arritën nivelin më të lartë të të gjitha kohërave për përjetimin e stresit gjatë një shumë të ditës së mëparshme. Në vitin 2021, kjo përqindje u rrit edhe më shumë. Të anketuarit mund të mos kenë qenë të stresuar për punën, por sigurisht që ishin të stresuar në punë. Në mënyrë të pashmangshme, stresi që punonjësit ndiejnë ndikon në vendin e punës. Dhe ndërsa 2021 pa rënie në shqetësim, trishtim dhe zemërim, të gjitha këto emocione negative mbetën mbi nivelet parapandemike.

Të ndodhur në këto shifra përsa I përket nivelit të stresit dhe mërzitjes në punë, mundësia që shqiptarët të mendojnë për një vend të ri punë është shumë e pakët duke e renditur vendin tonë ndër vendete fundit në Europë.

Nëse flasim për mundësinë e largimit nga vendi për një punë më të mirë, shqiptarët e Shqipërisë dhe të Kosovës kryesojnë listën në Europë. E para është Kosova me 30% dhe e dyta Shqipëria me 25%. Mendim i cili në Shqipëri në 5 vitet e fundit nuk ka ndryshuar.

Vetëm 22% e njerëzve në botë janë duke jetuar mirë me punën që kanë.

I vetmi indikator që rezulton I lartë në të gjitha shtetet është korrupsioni ku njerëzit mendojnë se kudo është I lartë. 74% e të gjithë njerëzve në botë të intervistuar ndiejnë që korrupsioni është në nivele të larta në punën e tyre.

Sipas raportit të Gallup një njeri duhet të harxhoj 81 mijë e 396 orë në punë ose e thënë ndryshe në një mesatare prej 8 orësh në punë  në ditë, duhet të harxhojmë  10 mijë e 174 mijë ditë e 12 orë. Një njeri në jetën e tij duhet të punojë rreth 28 vite.

Jetesa më e mirë e një personi në punë shfaqet në Australi, Zelandë e Re dhe më pas në SHBA dhe e dyta Kanada për të pasur një punë pa shumë stress, shqetësime dhe një mirëqënie të mirë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.