Studimi/ Sfungjeri nuk është mënyra më higjienike për të pastruar enët, por ekziston një alternativë!

Sfungjerët e kuzhinës përmbajnë më shumë baktere sesa furçat e kuzhinës, gjë që mund të jetë një mënyrë më higjienike për të pastruar enët tuaja, sipas studiuesve në Norvegji. “Salmonella dhe bakteret e tjera rriten dhe mbijetojnë më mirë në sfungjer sesa në furça, arsyeja është se sfungjerët në përdorim të përditshëm nuk thahen kurrë”, tha Trond Møretrø, një shkencëtar kërkimor në Nofima, një institut norvegjez i kërkimit ushqimor.

“Një sfungjer i vetëm mund të strehojë një numër më të madh bakteresh sesa ka njerëz në Tokë,” tha Møretrø, një autor i një studimi të ri, i cili u botua në internet në Journal of Applied Microbiology. Ndërsa shumë baktere nuk janë të dëmshme, ato që janë si salmonela përhapen nga sfungjerët te duart, sipërfaqet e kuzhinës dhe pajisjet dhe potencialisht i bëjnë njerëzit të sëmuren, tha ai.

“Sfungjeri është i lagësht dhe grumbullon mbetje ushqimore të cilat janë gjithashtu ushqim për bakteret, duke çuar në rritjen e shpejtë të baktereve”. Ajo që i habiti më shumë studiuesit në lidhje me gjetjet e tyre ishte se nuk kishte shumë rëndësi se si njerëzit pastronin sfungjerin e tyre apo sa shpesh.

Hulumtimi mbi sfungjerët dhe furçat e përdorura bazohet në një studim të bazuar në laborator të publikuar vitin e kaluar nga i njëjti ekip studiuesish, i cili zbuloi se bakteret e dëmshme mbijetojnë më mirë në sfungjer sesa në furça.

Në Shtetet e Bashkuara, USDA tha se sfungjeri i kuzhinës ishte mirë të futej në mikrovalë ose të ziej në ujë në nxehtë çka mund të zvogëlonte “një pjesë të ngarkesës bakteriale”, megjithatë këto masa vetëm nuk janë të përshtatshme për të siguruar që sfungjeri juaj do të reduktojë ndotjen e kryqëzuar. Këshillohet që të blini shpesh të reja. Hulumtimi ishte pjesë e një projekti të mbështetur nga Bashkimi Europian për sigurinë ushqimore. CNN

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.