Studiuesit: Hakerët kinezë, vazhdimisht në shënjestër sekretet tregtare europiane, amerikane dhe aziatike!

Hakerët e lidhur me qeverinë kineze janë përpjekur të vjedhin të dhëna të ndjeshme nga rreth tre duzina firma prodhuese dhe teknologjike në SHBA, Evuopë dhe Azi, thanë të mërkurën studiuesit e sigurisë, në gjetjet që hedhin dritë mbi përdorimin e pretenduar të hakerimit nga Pekini për të mbështetur ekonominë e tij të fuqishme.

Hakerët synuan projekte për prodhimin e materialeve me aplikime të gjera në sektorët farmaceutikë dhe të hapësirës ajrore, sipas firmës së sigurisë Cybereason me bazë në Boston. Firma e zbuloi aktivitetin vitin e kaluar, por tha se fushata e hakerëve daton të paktën në vitin 2019 dhe sugjeroi se grupe të dhënash mund të ishin vjedhur ndërkohë.

Hulumtimi është një kujtesë shqetësuese e shtrirjes së kërcënimeve kibernetike me të cilat përballen bizneset dhe agjencitë qeveritare amerikane ndërsa administrata Biden përpiqet t’i pengojë ato. Me gjithë vëmendjen ndaj hakerave të mundshme ruse për shkak të luftës në Ukrainë, operativët dixhitalë të Kinës kanë qenë shumë aktivë.

I pyetur për t’iu përgjigjur raportit Cybereason, Liu Pengyu, një zëdhënës në Ambasadën Kineze në Uashington, pohoi se Kina “kurrë nuk do të inkurajojë, mbështesë apo miratojë sulmet kibernetike”. Studiuesit e sigurisë kibernetike dhe zyrtarët amerikanë, kanë akuzuar për vite me radhë agjencitë kineze të spiunazhit dhe ushtrisë për hakerim dhe vjedhje të sekreteve tregtare.

Kina “ka një program masiv dhe të sofistikuar të vjedhjes kibernetike,” tha zëvendësdrejtori i FBI Paul Abbate në një fjalim javën e kaluar në Shoqatën Amerikane të Spitaleve, “dhe kryen më shumë ndërhyrje kibernetike se të gjitha kombet e tjera në botë së bashku.” Zyrtarët amerikanë dhe analistët e inteligjencës kibernetike theksojnë planin “Made in 2025” të Kinës, një plan shtetëror ambicioz për arritjen e dominimit ekonomik, si një rubrikë për llojet e kompanive, të dhënat e të cilave hakerët kinezë kanë vënë në shënjestër.

Plani, i publikuar në vitin 2015, kërkon përparime në prodhim në fushën e hapësirës ajrore dhe biomjekësore, ndër disa të tjera. Fushatat globale të spiunazhit kibernetikë të Kinës kanë synuar gjithnjë e më shumë depo të mëdha të të dhënave të vlefshme si ofruesit e shërbimeve të telekomit dhe internetit, në vend të organizatave të vetme.

Në hakerimin që hetoi Cybereason, drejtuesit e firmës thanë se e kishin vënë re fillimisht aktivitetin kur sulmuesit shkelën një degë aziatike të një firme të madhe prodhuese dhe teknologjike. Por do të duheshin muaj për t’i larguar me sukses hakerët nga rrjeti, duke treguar se sa synim ishin ata në misionin e tyre, sipas Cybereason. CNN

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.