Sunak, konfirmon Hunt në krye të financave – Kryeministri i ri britanik “rrethon” veten me njerëz besnikë
Kryeministri i Britanisë së Madhe emëroi ministrat e kabinetit të tij qeveritar pasi zëvendësoi Liz Truss në këtë post.
Me emërimet e reja, Rishi Sunak ka zgjedhur ministrat e tij nga e gjithë baza e partisë por dhe duke lënë disa ministra në postet e tyre. Një vendim ky që ka ngritur shqetësime për faktin se Sunak mund të rrethojë veten me njerëz besnikë në vend që të përpiqet të bashkojë partinë.
Emërimi i parë i Sunak ishte ai i Jeremy Hunt si ministër Finance në një lëvizje që synon qetësimin e tregjeve që kundërshtuan planet ekonomike të paraardhëses së tij.
Kryeministri i ri gjithashtu rivendosi Dominic Raab në postin e zëvendës kryeministrit, një vend që ai e humbi gjatë 44 ditëve të qeverisjes së Truss, si dhe riemëroi James Cleverly si ministër i Jashtëm dhe Ben Uallace si ministër i Mbrojtjes.
Suella Braverman u emërua ministre e Brendshme një javë pasi ajo dha dorëheqjen nga posti sepse kishte shkelur rregullat e qeverisë. Braverman zëvendëson Grant Shapps, i cili e mbajti këtë post për më pak se një javë dhe u emërua ministër për biznesin në qeverinë e Sunak.
Penny Mordaunt, e cila dëshoti të fionte garën ndaj Sunak për lideshipin e partisë, ruajti postin e saj si kryetare e Dhomës së Përbashkët, në një rol që organizon punët e qeverisë në dhomën e ulët të parlamentit. Sipas burimeve ajo dëshironte të bëhej ministre e jashtme.
Kemi Badenoch u emërua ministre e tregtisë, Chris Heaton-Harris ministër për Irlandën e Veriut dhe Michelle Donelan për Kulturën.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.