“Të hiqet “toka shtetërore”, atavizëm i komunizmit” – Çollaku: shteti nuk merr prona me vkm, por në bazë të ligjit

Ndaj njoftimit të drejtorit të përgjithshëm të Agjencisë Shtetërore të Kadastrës, Artan Lame, për daljen e një VKM që do të saktësojë procedurat për kryerjen e procesit të identifikimit, verifikimit dhe saktësimit të pronës publike të paregjistruar me qëllim regjistrimin e saj, ka reaguar Flamur Çollaku ish zv/kryeregjistrues i pasurive të paluajtshme në RSH. Çollaku në emisionin Start është shprehur se KM nuk jep tituj pronësie dhe se shpronësimi i pronarëve kryhet vetëm në bazë të ligjit 20/20. Sipas tij, praktika e ndjekur deri tani kur shteti kërkon vërtetim pronësie ndaj dikujt, të cilit ia ka marrë vetë tokën më herët, është arbitraritet.

Avokati Çollaku i bëri thirrje drejtorit të përgjithshëm të ASHK, Artan Lame që të denoncojë dhe jo thjesht të konstatojë rastet e abuzimit me pronat publike.

Sipas Çollakut, regjistrimi i pronave shtetërore po bëhet me qëllim dhënien e tyre të ashtuquajturve investitorë strategjikë. Ndërkaq, tjetër gjë thuhet në ligjin 20/20. Në të, në pikën a dhe c theksohet se në procesin e përditësimit, titujt e pronësisë private kanë përparësi ndaj pronave shtetërore.

Egon Loli / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.