Të licencuarit e energjisë s’paguajnë detyrimet – Enti Rregullator i Energjisë nis procedurat e heqjes së licencës për 14 subjekte

Enti Rregullator i Energjisë ka nisur procedurat për heqjen e licencave ndaj atyre subjekteve që nuk kanë likujduar pagesat rregullatore ndaj këtij institucioni.

Sipas legjislacionit të fuqi, kjo është masa më rëndë në rast të shkeljes së këtij detyrimi, ndërkohë që vendimi që prek të paktën 14 subjekte, erdhi pasi nuk pati asnjë reagim nga ana e tyre, edhe pas njoftimeve për shkeljen e këtij detyrimi.

Anëtarët e Bordit të ERE-s, e konsideruan këtë vendim si të drejtë, duke marrë në konsideratë se kjo nuk është hera e parë që këto subjekte shkelin detyrimin.

Sipas të dhënave zyratre, për vitin 2022 ERE synon të mbedhë rreth 208 mln lekë nga pagesat rregullatore nga subjektet e licencuar në sektorin e energjisë elektrike dhe gazit natyror. Në total numërohen 307 të licencuar, të cilët janë të detyruar të bëjnë pagesat rregullatore.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.