Temperatura rekord dhe mungesë reshjesh  – Cila është situata e zjarreve në Shqipëri?!

Zëvendës Ministrja e Mbrojtjes së vendit Dallëndyshe Bici ka përditësuar situatën e zjarreve në Shqipëri përmes një deklarate për mediat ku sipas të dhënave nga Qendra Kombëtare Operacionale e Emergjencave Civile gjatë 24 orëve të fundit janë raportuar 26 vatra zjarri.

Sipas deklaratës pas një pune të pandërprerë të forcave operacionale u bë i mundur izolimi i plotë dhe shuarja e vatrave në:

• Fshatin Bërzane, bashkia Lezhë.
• Fshatin Bogovë, bashkia Skrapar.
• Fshatin Drenovicë, bashkia Dimal.
• Fshatin Culaj, nj, bashkia Malësi e Madhe.
• Fshatin Oblikë dhe Tek Stacioni i trenit, bashkia Shkodër.
• Fshatin Kishe-Arrë,fshati Karmë, fshatin Bushat dhe fshatin Kosmaqe, bashkia Vau-Dejës.
• Në lagjen Mehaj, bashkia Koplik.
• Në veri të rezervuarit Këlcyrë, bashkia Këlcyrë.
• Fshatin Mekat dhe fshatin Lezhan, bashkia Vlorë.
• Në Malin e Gravës, bashkia Finiq.
• Fshatin Mustafa Kocaj, bashkia Tiranë.
• Njësinë administrative Otllak, bashkia Berat.
• Fshatin Shetaj, bashkia Durrës.
• Në kodër tek Kisha e Luzit, bashkia Krujë.
• Në “përroin e zi”, bashkia Belsh.

Bici njofton gjithashtu se në aksionet për shuarjen e flakëve gjatë 24 orëve janë angazhuar 435 efektivë zjarrfikës, Forca të Armatosura, forca bashkiake, forca policore, punonjës të Administratës së Zonave të Mbrojtura, shërbimi pyjor, forca vullnetare, 46 mjete zjarrfikëse dhe një helikopter.

Sipas informacionit të publikuar helikopteri ka ndërhyrë në fshatin Shetaj, bashkia Durrës, në fshatin Ndërshen, Bashkia Mirditë dhe në fshatin Halil, Bashkisë Krujë dhe aktualisht janë 6 vatra aktive ku po punohet nga terreni nga forcat operacionale me mbështetjen edhe të Forcave të Armatosura:

1. Në fshatin Velçan, në pyllin me dru “Mare”, bashkia Berat.
2. Në fshatin Bogë, bashkia Malësi e Madhe.
3. Zjarri në fshatin Ndërshen, njësia administrative Orosh, Bashkia Mirditë, ku po vazhdon puna për izolimin e plotë.
4. Në fshatin Qukës Skëndërbej, bashkia Gramsh, në afërsi të Rezervatit Dardhë-Xhyrë, ku zjarri ka rënë në një sipërfaqe me pyjore pishe dhe ahu.
5. Në fshatin Halil, në zonën e mbrojtur Zgërdhesh, Bashkia Krujë, ku vazhdon ndërhyrja edhe me helikopter nga ajri, veç punës së forcave në terren.
6. Në fshatin Leminot, Bashkia Maliq, ku aktualisht është bërë lokalizimi i dy vatrave të zjarrit dhe po punohet për fikjen e tyre.

Zv. Ministrja u ri bën thirrje qytetarëve të jenë të kujdesshëm me çdo veprim që shkakton ndezjen e zjarreve, veçanërisht në zonat me risk më të lartë.

E . S / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.