Tender sigurie për sistemin e regjistrit të adresave – 174 milionë lekë për implementimin dhe mirëmbajtjen e të dhënave

Në vazhdën e tenderave për krijimin e sigurisë nga sulmet kibernetike në portalet qeveritare, agjencia kombëtare e shoqërisë së informacionit është ndalur edhe tek Regjistri Kombëtar i Adresave për të cilën ka hapur një tender më vlerën 174 milionë lekë. Objekti i pergjithshem i ketij projekti eshte përmirësimi i sistemit për menaxhimin dhe përditësimin e informacionit të Regjistrit Kombëtar të Adresave, si dhe permiresimi i infrastruktures fizike te tij.

AKSHI vlerëson se ky tender është ndërmarrë per shkak të kerkeses ne rritje per funksionet e sistemit,duke krijuar nevojën e nje upgrade të pajisjeve fizike qe te perballoje nje fluks me te larte te dhënash, kerkesash dhe nderveprimi. Por në fakt është ndalur konkretisht te siguria e tij.

Puna për mirëmbatjen do të bëhet në dy site, Site 1 Primar do të jetë Datacenteri Qeveritar, pranë AKSHI, në Tiranë dhe Site 2 Sekondar do të jetë  Server Room i Drejtorisë së Përgjithshme te Gjendjes Civile, në Ministrinë e Brendshme, në Tiranë.

Me një shtrirje në të gjithë shqipërinë  tenderi për regjistrin kombëtar të adresave do të përfshijë shërbime të mirëmbajtjes parandaluese.dhe shërbime Riparimi në vendndodhje.

Ndryshimet në sistemin e adresave do të konsistojnë në  Ridizenjimi i ndërfaqes së përdoruesit, për përdoruesit publikë dhe privatë, duke mundesuar aksesimin e ketij sistemi ne pajisjet mobile, Krijimi i modulit te adreses digjitale dhe mundesimi i Identifikimi i adresës nga koordinatat, Permiresimi i infrastruktures fizike te sistemit elektronik.

Ky tender do të financohet me fondet e Buxhetit të Shtetit, fondet e parashikuara nga Ministria e Brendshme , si institucion përfitues.

Fondi 174 milionë do të ndahet në dy pjesë , 124 milionë për vlerën e implementimit në 12 muaj dhe 50 për mirëmbajtjen në 2 vjet. Regjistri Kombetar i Adresave përdoret nga njësitë administative, duke realizuar funksionin e modifikimit të objekteve sic janë segmentet rrugore, gjurmëve të ndërtesave, numrave të ndërtesave, numrave të hyrjeve.

SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.