Tenderi i FSHZH, me flamur të kuq! – Procedura për infrastrukutrën mbështetëse të Auto Moto Park, kontratat shkojnë në 1 miliard lekë

Open Data Albania ka ngritur flamurin e kuq për tenderin, që parashikon ndërtimin e argjinaturës së lumit Shkumbin, si infrastrukturë mbështetëse e Auto-Moto Park në Elbasan. Të hënën Fondi Shqiptar i Zhvillimit shpalli kompaninë fituese për këtë procedurë me vlerë mbi kufirin e lartë monetar, ndërkohë që sistemi i ODA e ka klasifikuar tenderin me risk për korrupsion apo moszbatim të procedurave ligjore.

Oferta fituese nuk është më e ulta, por sipas kritereve të tenderit, përzgjedhja e fituesit bëhet në ofertën ekonomikisht më e favorshme bazuar ne kosto dhe jo bazuar në çmim. Kompania që do të zbatojë kontratën është AlbBuiliding, teksa vlera e ofetuar është 525,740,534 lekë, pa tvsh. Po të hënën, FSHZH ka shpallur edhe fituesin për lotin I të këtij tenderi, që gjithashtu, parashikon ndërtimin e infrastrukutrës mbështetëse në funksion të Auto Moto Park.

Për këtë lot, është shpallur fituese bashkimi I operatorëve  “S.M.O.UNION”, me një ofertë prej   357 898 107 lekë pa tvsh. Në total, vetëm infratsruktursa mbështetëse e  do të kushtojë 883.6 mln lekë, pa TVSH apo rreth 1 mld lekë, me TVSH.  Auto Moto Park është një porjekt, që do të përmbajë Akademinë  Kombëtare të Sigurisë Rugore, Muzeun Retro dhe Akademinë e Restaurimit të Mjeteve Historike dhe një piëstë offroad Pistë offroad për të zhvilluar në mënyrë të kontrolluar sportet motorike që ushtrohen jashtë rruge.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.