Tesla përfshihet në 273 aksidente në 10 muaj – SHBA, 70% e aksidenteve u shkaktuan nga automjetet me pilot automatik
Sipas Agjencisë për sigurinë amerikane automobilistike, në 10 muaj janë regjistruar rreth 400 aksidente rrugore në Shtetet e Bashkuara të Amerikës që kanë përfshirë teknologji të avancuar të asistencës në drejtimin e mjetit. Nga 392 aksidente, 273 prej tyre kanë ndodhur për shkak të automjeteve të Tesla me pilot automatik.
Të dhënat janë pjesë e një përpjekjeje të Agjencisë për të vendosur siguri në sistemet e drejtimit që hap pas hapi po bëhen më të zakonshëm.
Aktualisht Tesla ka më shumë se 800 automjete në rrugë që janë të pajisur me sisteme automatikë drejtimi. Në vitet e fundit, dhjetra kompani prodhimi automjetesh kanë hedhur në treg pjesë automatike, duke përfshirë dhe sisteme që lejojnë heqjen e duarve nga timoni në raste të caktuara; si dhe që ndihmojnë në parkim.
Agjencia amerikane u shpreh se këto teknologji janë shumë premtuese për përmirësimin e sigurisë, por duhet kuptuar se si veprojnë automjetet në rrugë. Bëhet fjalë për publikimin e parë të të dhënave që i përkasin këtyre sistemeve.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.