Tjetër borxh për energjinë – Qeveria miraton marrëveshjen e kredisë 50 mln euro, shkon për fazën II të reformës

Qeveria shqiptare do të marrë një kredi prej 50 mln euro nga KfW gjermane, që do të shkojë për sektorin elektorenergjetik në vend. Huaja do të përdoret për financimin e projektit “Politika për mbështetjen e reformës në sektorin energjetik në Shqipëri” – faza II, ndërkohë që marrëveshja u miratua në mbledhjen e fundit të Këshillit të Ministrave.

Kjo nuk është kredia e parë që merret në funksion në reformës, duke qenë se rreth një vit më parë një tjetër borxh prej 50 mln euro u mor nga Agjencia Franceze për Zhvillim. Detajet për kredinë e re nuk janë publikuar ende, ndërkohë që huaja e Agjencisë Franceze u mor për konsolidimin e ndarjes së Operatorit të Shpërndarjes së Energjisë Elektrike, funksionimin e Bursës së Energjisë dhe hapjen graduale të tregut të shitjes me pakicë, së bashku me krijimin e një tregu konkurrues të energjisë.

Por, paralelisht me këto hua, në harkun kohor të 15 mujave janë marrë edhe 191.5 mln euro borxh për sektorin  elektorenergjetik, duke i çuar vlerën totale në 291.5 mln euro. Më konkretisht, në fund të vitit 2021, ishte Operatori i Shpërndarjes së Energjisë Elektrike që mori një hua prej 70 mln euro nga Banka Evropiane për Rindërtim dhe Zhvillim, për financimin e projektit për reagimin ndaj krizës së shkaktur nga COVID-19.

Gjithashtu, OSHEE mori edhe 4 kredi për financimin e kapitalit punues, në kuadër të nevojave për import të energjisë, nga bankat e nivelit të dytë. Shuma totale këtyre kredive arrin në 81.5 mln euro. Po ashtu, një marrëveshje kredie prej 40 mln euro, për rehabiltimin e hidorcentralit të Fierzës. Huaja u mor nga KfË-ja gjermane, teksa paralelisht u mirataun edhe 2 marrëveshje granti prej 10.35 mln euro që gjithashtu shkojnë për të njëjtin projekt.

Ola Mitre / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.