Toka shtetërore jepen me qira, por rezultojnë të zëna! /19 mijë hektarë janë gati, por kontratat janë problem

Ministrja e Bujqësisë Frida Krifca ka qene të enjten në Kuvend e thirrur nga Deputeti Erion Braçe në një interpelancë lidhur me tokat shtetërore të dhëna me qira. Ajo tha se aktualisht janë 8 mijë parcela, ose 19 mijë hektarë në dispozicion të Ministrisë për t’u dhënë në përdorim, por se një pjesë e mirë e tyre kanë probleme. Ajo tha se Ministria po zhvillon një audit për zbardhej e gjendjes së këtij fondi.

Pasi ngriti akuza të forta lidhur me fondin bujqësor të dhënë me qira, Deputeti Erion Braçe u ndal edhe me manipulimet me çmimet që po bëjnë grumbulluesit e produkteve bujqësore. Ai akuzoi se ata ulin artificialisht çmimet për bujqit duke u vonuar blerjen e produkteve, e më tej manipulojnë çmimet e shitjeve, duke marrë për vete gjithë fitimin e duke mos u lënë asgjë fermerëve.

Krifca bëri me dije se po krijohet regjistri i fermave, si dhe sistemi dixhital për blegtorinë.

Lorenc Rabeta / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.