Tregjet e aksioneve e nisin javën në rritje – Investitorët presin dëshminë e Powell në kongresin amerikan
Tregjet europiane janë hapur në rritje në sesionin e parë të kësaj jave, pas fitimeve modeste të javës së kaluar. Indeksi pan-Europian Stoxx 600 e ka nisur ditën në rritje me rreth 0.3%, ndërsa sektori i shitjeve me pakicë kryeson fitimet, në rritje me rreth 0.8%.
Ndërkohë, shumica e tregjeve në rajonin e Azi-Paqësorit patën një performancë mikse pasi qeveria kineze vendosi një objektiv të rritjes ekonomike prej 5%, gjatë këtij viti.
Në dëshminë që pritet të mbajë në Kongresin amerikan të martën dhe të mërkurën, presidenti i FED, Jerome Powell mund të japë detaje mbi ecurinë e normave të interesit dhe mbi gjendjen e ekonomisë. Gjithashtu, tregjet po presin edhe raportin mbi punësimin në SHBA për muajin shkurt dhe analistët presin 255 mijë vende të reja pune.
Investitorët po presin edhe të dhënat mbi shitjet me pakicë në Eurozonë për janarin dhe prodhimin industrial për Gjermaninë.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.