Tregu i monedhave, i qëndrueshëm – Investitorët presin takimet e bankave qëndrore, gjatë javës

Dollari amerikan po tregtohet i qëndrueshëm në sesionin e sotëm, pranë nivelit më të ulët në 8 muajt e fundit, ndërsa investitorët po presin takimin e bankave qëndrore që zhvillohen, gjatë kësaj jave.

Të mërkurën do të jetë Rezerva Federale në SHBA, e cila pritet të rrisë normën bazë të interesit me 25 pikë bazë, ndërsa të enjten, Banka Qendrore Europiane pritet t’a rrisë me 50 pikë bazë. Indeksi që mat ecurinë e dollarit amerikan, përballë shportës me 6 monedhat kryesore ndërkombëtare po qëndron në rreth 101.9, pranë nivelit më të ulët në 8 muajt e fundit prej 101.5. gjithashtu, monedha e gjelbër pritet të publikojë humbje për të katërtin muaj me radhë, gjatë janarit, sepse Rezerva Federale pritet t’i japë fund ciklit të rritjes së interesave.

Paundi po këmbehet i qëndrueshëm në rreth 1.24 dollarë, ndërsa euro po këmbehet në rreth 1.088 dollarë. Gjithashtu, gjatë kësaj jave pritet që edhe Banka e Anglisë të rrisë normën bazë të interesit me 50 pikë bazë.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.