Tregu i pasurive, Eksperti: “Shkëlqen” qiraja afatshkurtër – Arbër Brahaj: Apartamentet po konkurrojnë fort hotelet, preferohen më shumë nga familjet

Blerja e apartameneteve për qiradhënie është aktualisht një prej formave më të mira të investimit, ndërkohë që edhe bankat e kanë mbështetur fort me kreditim këtë segment të tregut.

Eksperti i Pasurive të paluajtshme Arbër Brahaj thotë se pavarësisht se numri i apartamenteve që përdoren për këtë qëllim është shumë rritur ndjeshëm, çmimet do të vijojnë në rritje për shkak të kërkesës shumë të lartë, që vjen si prej të huajve që vizitojnë apo punojnë në Shqipëri, ashtu dhe prej emigrantëve apo faktorit të brendshëm.

Veçanërisht familjet, thekson Eksperti Arbër Brahaj, preferojnë të qëndrojnë në një apartament se në një hotel.

Brahaj thotë se një faktor përcaktues në tregun e qirave në vijim do të jenë ccmimet shumë të larta të ndërtimeve të reja, të të ndikuara nga rritja e kostove të materialeve të ndërtimit dhe të krahut të punës.

Lorenc Rabeta / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.