Tregu i punës, “uri” për degët e bujqësisë – Sallaku: Të rinjtë nuk kanë interes, preferenca vetëm për drejtime specifike!

Të rinjtë shqiptarë nuk kanë interes të mjaftueshëm për degët me rëndësi kombëtare në fushën e bujqësisë, zooteknikës apo mjedisit, edhe pse kërkesa më e lartë nga binzeset vjen për këto degë.

Në një intervistë për SCAN TV, Rektori i Universitetit Bujqësor të Tiranës, Fatbardh Sallaku, shprehet se degët më të preferuara aktualisht janë mjekësi veterinare, agrobiznes, financë dhe arkitekturë peisazhi. Ndërkohë që sipas tij, studentët që zgjedhin këtë universitet kanë mundësi shumë të mëdha për t’u punësuar.

Së fundmi, Universiteti Bujqësor i Tiranës ka nisur një projekt për trajnimin e specialistëve të bujqësisë dhe ngritjen e një ferme pilot smart, me qëllim dhënien e konstributit në zhvillimin e këtij sektori.

Janë 280 specialistë në të gjithë vendin dhe mbi 1800 fermerë që do të marrin praktikat më të mira sa i takon implementimit të zgjidhjeve të zgjuara dhe me më pak kosto në sektorin bujqësor.

Elisabeta Dosku / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.