‘Treni blu’ – I pari në Europë me bateri hibride. Mund të ulë emetimet e CO2 me 50%!

Fuqia elektrike e baterisë tashmë po shpërndahet në makina dhe kamionë dhe tani, ajo po induktohet edhe në energjinë e trenave, duke zëvendësuar gjeneratorët shekullorë me naftë që janë më të dëmshëm për mjedisin.

Të mërkurën, Hitachi Rail dhe operatori italian i trenave Trenitalia zbuluan trenin e tyre hibrid, “Trenin blu” në panairin e transportit InnoTrans në Berlin.

Treni do të jetë grupi i parë në një flotë të re hibride në shërbimin e pasagjerëve në Europë sapo të jetë në funksion këtë vit. Është treni i parë që ka një të ashtuquajtur “tri-mode” dhe Hitachi thotë se mund të ulë emetimet me më shumë se 50 %.

“Tri-mode” do të thotë se treni mund të kalojë midis baterive, energjisë elektrike ose naftës dhe mund të funksionojë në linja të elektrizuara dhe jo të elektrizuara në mënyrë që të mund të operojë ende në zona që mund të mos kenë ende infrastrukturën e duhur për trenat elektrikë.

Kjo është e rëndësishme pasi aktualisht vetëm 54 % e rrjeteve hekurudhore europiane janë të elektrizuara dhe shtimi i telave elektrikë është i shtrenjtë.

Treni mund të transportojë deri në 300 pasagjerë dhe të arrijë një shpejtësi maksimale prej 160 km/h. Ai pritet të jetë gati për përdorim pasagjerësh në Itali në fund të këtij viti dhe mund të vijë në pjesë të tjera të Europës më vonë.

‘Blues Train’ funksionon duke tërhequr energji nga linjat ajrore në rrugët e elektrizuara. Por kur është në linja jo të elektrizuara, ai përdor një kombinim të baterisë dhe naftës dhe kur është afër një stacioni, bateritë e fuqizojnë trenin, duke eliminuar emetimet dhe gjithashtu zhurmën.

Një tjetër plus është se bateria mund të rikarikohet kur treni është në punë, si në diezel ashtu edhe në atë elektrik. Ky model treni është si një “hap i parë” derisa rrjetet hekurudhore në të gjithë Europën të bëhen plotësisht elektrike.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.