“Turizmi të bëhet me qeverisje profesionale, jo politike” – Vathi: Hapja e aeroporteve të rinj në jug do shtojë turistët përtej sezonit

Pritshmëritë e turizmit për këtë vit janë të larta. Sipas tur-operatorëve ndërhyrjet nga ministria përgjejgëse për këtë seketor janë minimaliste. Ministria e Turizmit duhet të veprojë me profesionalizëm.

Sipas Besnik Vathi, Kreu i Shoqatës së Tur-Operatorëve “Ministria e turizmit natyrshëm që ka edhe ajo ndërhyrjet e veta, është bërë se ka munduar që po bëhet mirë, për të lehtësuar për të hapur më shumë. Por ka probleme të mëdha në qeverisjen e këtij sektori. Ky sector nuk është thjeshtë një qeverisje politike, por është dhe bëhet me qeverisje profesionale. Në kushtet kur profesionistët mungojnë në strukturat administrative do të ketë një vetë rregullim të industrisë pa pritur në ndërhyrjen e qeverisë.”

Sipas Vathit turizmi në jug të vendit mund të zgjatet përtej sezonit ndërsa tregon mënyrat më productive. “Mundësitë dhe sfidat me vështirësitë dhe problemet do kalohen, por kostot e gjetjet janë shumë të larta. Unë mendoj se ndoshta me hapjen e aeroportit të Vlorës kjo do bëj që sezoni turistik në ato vende të mos jetë më 45 ditë, por shumë i gjatë. Sepse do ketë fluturime me charter etj.”

Por mungesa e mbështetjes për stafet sezonale ka krijuar hendekë në gjetjen e profesionistëve në strukturat hoteliere. “Ky mbetet një problem, në Shqipëri është dyfish problem, jo vetëm largmimi i qytetarëve shqiptarë jashtë vendit për paga dhe kushte më të mira, por edhe fakti që tek ne nuk ka mbështetje për stafet sezonale. Mungon ajo përkrahje jo për shkak të disa rajoneve, sidomos në jug të vendit që sezoni është më i shkurtër dhe vështirësitë për mbajtjen e stafeve të përhershme dhe të përkohshme janë më të mëdha, dhe në kushtet kur nuk ka mbështetje për t’iu paguar asistencë apo sigurimet, pra format e ndryshme të mbështetjes që tek ne mungojnë, kjo bën që strukturat hoteliere apo turistike, të përballen me vështirësinë e gjetjes së punonjësve.”

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.