Unaza e Madhe, e hapur për përdoruesit brenda vitit – ARRSH, Noni: Punimet, në stad të avancuar. Ecuria sipas lot-eve

Ola Mitre / SCAN

 

Aksi kryesor i Unazës së Madhe të Tiranës parashikohet të hapet për qakullimin e automjeteve brenda këtij viti”. Përgjegjësi i Manaxhimit të Kontratave, pranë Autoritetit Rrugor Shqiptar Gëzim Noni thotë për TV SCAN se aktualisht punimet janë në stad të avancuar.

“Aktualisht punohet për realizimin e angazhimeve të marra në lidhje me Unazën e Madhe të Tiranës, punimet e së cilës janë në një stad shumë të avancuar dhe ne i qëndrojmë angazhimit që kemi deklaruar publikisht që pretendojmë që brenda vitit 2024, aksi kryesor të jetë i hapur për përdoruesit e rrugës”, – u shpreh Noni.

Aktualisht po punohet në disa lote, ndërkohë që ecuria e punimeve në secilin prej tyre është e ndryshme.

“Realizimi i këtyre punimeve është në varësi të loteve. Është mbi 50% në rastin më të keq dhe mbi 90% në rastin më të mirë”, – bëri me dije Noni.

Për ndërtimin e Unazës së Madhe të Tiranës punohet në 7 lote të ndryshme, teksa në fazë më të avancuar është loti 2 me mbi 90% të punimeve. Një nga lotet përfshin ndërtimin urave mbi lumin Tirana, ku aktualisht janë realizuar mbi 70% e punimeve. Ndërkohë që, lotet 4, 5, 6 dhe 7 përfshijnë unazën e jashtme të Tiranës që fillon në afërsi të Shkozës dhe bashkohet me Segmentin Babrru – Kthesa Kamëz. Sipas vëzhgimeve në terren në disa prej këtyre loteve po shkon drejt përfundimit hapja e gjurmës së rrugës.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.